Getuleysi þjóðskipulagsins

Hvernig má það vera ef að allir eru sammála um að vítisenglar séu hættulegir og skaðlegir samfélögum að það sé ekki hægt að banna samtökin. Hvar sem þeir eru valda þeir ótta og skaða og enn einu sinni ætlar íslenskt samfélag að sýna af sér það mátleysi að geta ekki komið í veg fyrir það sem fyrirsjáanlega mun valda samfélaginu tjóni.

Við gerðum þetta ekki varðandi frjálshyggjunua, einkavæðinguna, ofurlaunin né þá spillingu sem búin er að grassera bæði í pólitík og einkageiranum í áraraðir. Þá er kanski ekki skrítið að við getum ekki bannað tilvist mótorhjólasamtaka. Myndum við banna yfirlýstan nasistaflokk eða yfirlýstan rasistaflokk, ég held það. Ef lögin eru ekki fyrir hendi þá er bara að setja þau og hætta þessu kjaftæði.

Vítisenglar „ekkert án merkjanna“

Athugasemdir

[Axel Þór Kolbeinsson, 24.9.2009 kl. 08:54]

Stjórnarskráin:

74. gr. [Rétt eiga menn á að stofna félög í sérhverjum löglegum tilgangi, þar með talin stjórnmálafélög og stéttarfélög, án þess að sækja um leyfi til þess. Félag má ekki leysa upp með ráðstöfun stjórnvalds. Banna má þó um sinn starfsemi félags sem er talið hafa ólöglegan tilgang, en höfða verður þá án ástæðulausrar tafar mál gegn því til að fá því slitið með dómi.

Engan má skylda til aðildar að félagi. Með lögum má þó kveða á um slíka skyldu ef það er nauðsynlegt til að félag geti sinnt lögmæltu hlutverki vegna almannahagsmuna eða réttinda annarra.

Rétt eiga menn á að safnast saman vopnlausir. Lögreglunni er heimilt að vera við almennar samkomur. Banna má mannfundi undir berum himni ef uggvænt þykir að af þeim leiði óspektir.]

Það ætti að vera hægt að banna Vítisengla tímabundið á meðan dómstólar kveða á um hvort samtökin hafi ólöglegan tilgang.