Ég ætla að brjóta lög um náttúrupassa

Þótt mér hafi fundist núverandi ríkisstjórn oft hafa tekið skrítnar og vitlausar ákvarðandir þá er þessi klárlega sú allra vitlausasta. Að ætla sér að láta íslendinga borga fyrir að fara um og skoða landið sitt.

Ef náttúrupassinn verður lögleiddur verð ég væntanlega glæpamaður því ég ætla ekki að borga fyrir skoða landið okkar. 

Sjálfstæðisflokkurinn hefur kynnt sig sem boðbera frelsis einstaklingsins, minnka ríkisbáknið og einfalda skattkerfið. Þessi aðgerð skerðir frelsi einstaklingsins, stækkar ríkisbáknið og flækir skattkerfið. Það kemur mér reyndar ekkert á óvart að þessi flokkur vinni gegn yfirlýstri stefnu en nú er komið miklu meira en nóg. það þarf ekkert að minnast á fylgjuna þeirra Framsóknarflokkinn í þessu samhengi,ég nenni því ekki.

Ég skora hér með á alla landsmenn að ferðast sem mest um landið okkar og sameinast um að borga ekki fyrir þann sjálfsagða rétt.

Athugasemdir

[Predikarinn - Cacoethes scribendi , 3.12.2014 kl. 16:16]

Ég er sammála þér með að náttúrupassinn er galin hugmynd.

Hitt er ég ekki sammála þér um að þú sprangir um og nýtir þér salerni og stíga og annað án þess að greiða fyrir það jafnharðan, eins og útlendingarnir. Hvort sem um er að ræða náttúruperlur í eigu ríkis sem annarra. Það kostar að halda hverjum stað við og þjoonustunni þar. Ef maður greiðir á hverjum stað fyrir sig einhverja hundraðkarla, þá er tryggt að peningurinn fer í uppbyggingu á þeim sama stað. Náttúrupassi er engu skárri en núverandi fyrirkomulag. Allflestir staðir verða útundan í einhverri fjárúthlutun frá  nefnd sem Alþingi skipar en aðrir vaða í aurum en með lítinn átroðning.

Þeir greiði jafnharðan sem njóta. Þeir sem fara sjaldan um ævina á slíka staði greiða í þau skipti en niðurgreiða ekki fyrir hina sem sífellt eru á svæðinu.

[Guðbergur Egill Eyjólfsson, 11.12.2014 kl. 15:54]

Á vinsælustu stöðunum er lítið mál að láta staðina standa undir sjálfum sér með betri þjónustu, td á Gullfossi og Geysi þá eru þar söluskálar með salernum og standa staðirnir undir sér sem slíkir. Það er alger lottóvinningur að komast að með verslunarrekstur á svona stöðum og slíkur rekstur ætti vel að geta staðið undir að bæta almenna aðstöðu á slíkum stöðum.