Vægi atkvæða

Skilyrði Borgarahreyfingarinnar eru í það heila svona hjal á almennum nótum. En varðandi jafnt vægi atkvæða allra landsmanna þá verður að velta þeirri spurninigu upp hvað sé rétt og hvað sé rangt í þeim efnum. Slíkar atkvæðagreiðslur geta byggt á jöfnu vægi allra landsmanna, að öll kjördæmi verði að samþykkja niðurstöðuna og svo framveigis.

Er það sanngjarnt gagnvart landsbyggðinni að t.d. íbúar suð-vesturlands geti ákvarðað að allt landið gangi í ESB.

Setja þrjú skilyrði fyrir ESB-viðræðum

Athugasemdir

[Sigurður Hrellir, 6.5.2009 kl. 15:09]

Guðbergur, þú segir í einni setningunni að þetta sé "hjal á almennum nótum" en í annarri gefur þú til kynna að þú sért hlynntur misjöfnu vægi atkvæða. Það er fremur erfitt að átta sig á því hvað skiptir máli að þínu mati.

[Loftur Altice Þorsteinsson, 6.5.2009 kl. 15:16]

Hvað með efnahagsvandann ? Hefur Borgarahreyfingin engar áhyggjur af honum og engar tillögur ? Hugsanleg innganga í ESB leysir engann vanda á efnahags-sviði.

Hvers vegna setur Borgarahreyfingin ekki skilyrði um ákveðnar aðgerðir í efnahagsmálum, sem forsendu fyrir samþykki við ESB viðræðum ? Borgarahreyfingin getur haft úrslitaáhrif í þessu máli, en ætlar ekki að notfæra sér þá aðstöðu. Hvað er Borgarahreyfingin að gera á Alþingi ???

[Guðbergur Egill Eyjólfsson, 6.5.2009 kl. 15:18]

Sæll Sigurður

Varðandi orðavalið hjal þá finnst mér þau skilyrði sem sett eru svona á almennum nótum og í reynd ekki afgerandi skilyrði en varðandi atkvæðavægið þá er það mál sem færa þarf rök fyrir.

Hvort er lýðræðislegra að hafa jafnt vægi atkvæða eða ekki. Misjafnt vægi atkvæða er sett til þess að koma í veg fyrir að fjölmenn svæði geti kúgað hin fámennari. Til að mynda önnur deild usa þings er skipuð tveimur fulltrúum frá hverju fylki til þess að koma í veg fyrir yfirgang stærstu fylkjanna.

[Kári (IP-tala skráð) 6.5.2009 kl. 15:58]

Það er undarlegt að láta sér detta í hug að í *þjóðaratkvæðagreiðslu* skuli vægi atkvæða vera misjafnt eftir búsetu! Yrði gripið til þess yrði nú fyrst allt vitlaust hér á landi, enda skýlaust *lýðræðisbrot*. Slík mismunun brýtur í bága við lýðræðishugsjónina. Hitt er svo annað mál að *þingræðissjónarmið* kynnu að kalla á einhverja málamiðlun.

Svo er beinlinis ósmekklegt að tala um að fjölmennari svæði kúgi endilega þau sem eru fámennari. Hvers konar manneskjusýn liggur að baki slíkri hugsun? 

[Sigurður Hrellir, 6.5.2009 kl. 16:05]

Loftur, Borgarahreyfingin hefur miklar áhyggjur af efnahagsvandanum og reyndar mun meiri en af ESB málinu. Ég bendi á nokkrar fréttir hér á mbl.is sl. 2 sólarhringa þessu til staðfestingar:

www.mbl.is/mm/frettir/innlent/2009/05/04/furda_sig_a_ummaelum_radherra

www.mbl.is/mm/frettir/kosningar/2009/05/05/adgerdir_rikisstjornar_ganga_of_skammt

www.mbl.is/mm/frettir/innlent/2009/05/06/kvarta_til_esa_vegna_orkuverds 

Borgarahreyfingin með sína 4 þingmenn virðist allavega frá mínum bæjardyrum séð vera mun öflugri en Sjálfstæðisflokkurinn með sína 16.

Guðbergur, það sem skiptir máli hér er að Borgarahreyfingin sættir sig ekki við neitt misvægi atkvæða; ein manneskja = eitt atkvæði. Það er ekki "hjal á almennum nótum" að setja þetta sem skilyrði heldur er þetta spurning um grundvallarmannréttindi! Þú sjálfur sýnir fram á það með afstöðu þinni að þetta er ekkert hjal.

[Guðbergur Egill Eyjólfsson, 6.5.2009 kl. 16:12]

Sæll Kári

Ég held að það sé nausynlegt að velta því fyrir sér hvernig hægt er að komast sem næst réttlæti í kosningu sem þessari.

En talandi um kúgun fjölmennari svæða. Það má kalla það kúgun ef við lítum aftur til gerfi góðærisins þá voru vextir hækkaðir upp úr öllu valdi til þess að halda aftur af þenslunni á suðvestur horninu, fjölmennasta svæðinu, en hvernig kom það niður á til að mynda vestfjörðum þar sem enginn þensla var heldur samdráttur þá vann hagstjórnunin með ástandinu sem var á fjölmenna svæðinu og á móti þeim svæðum sem fámennari eru.

[Loftur Altice Þorsteinsson, 6.5.2009 kl. 18:36]

Það er undarlegt ef einhverjum dettur í hug að afgreiðsla meirihluta Alþingis sé lýðræðislegri en afgreiðsla meirihluta þjóðarinnar í þjóðaratkvæði. Ef ég hef skilið málið rétt, þá er það samt skoðun Jóhönnu !

Óttast Samfylkingin þjóðaratkvæði, vegna þess að hún veit að ESB-bullinu verður hafnað, hvort sem eitt eða tvö þjóðaratkvæði verða um málið ? Því fyrr sem við losnum við þessa fjarstæðu, þeim mun betra.

Að halda þessu örverpi til streitu, mun endanlega kljúfa þjóðina. Burt með ESB og sameinumst um að leysa efnahagsvandann.