ESB er engin lausn

Finnar fóru inn í ESB árið 1995 þegar þeir voru bugaðir af kreppu og átti ESB að verða eins og foreldri sem leiddi Finna út úr vandanum. En hver er staðan fjórtán árum síðar. Atvinnuleysi hefur aldrei farið undir 8% og skuldastaða Finna er að verða sú sama nú og hún var þegar þeir fóru inn í sambandi eða um 60% af vergri þjóðarframleiðslu.

Evrópusambandið er kerfi sem lofar þann heimskapítalisma sem komið hefur okkur á kné. Ef Ísland yrði aðili að ESB væri okkur bannað samkvæmt lögum sambandsins að vera okkur næg um matvæli. Hinn frjálsi markaður kæmi í veg fyrir það.

Baráttu kveðjur til allra hugaðra Íslendinga sem þora að standa á eigin fótum.....ja og kannski enn meiri baráttukveðjur til hinna. Þeim veitir víst ekki af.

Áfram Ísland

Í engri stöðu til að setja VG kosti

Athugasemdir

[Hlynur Davíð Stefánsson (IP-tala skráð) 26.4.2009 kl. 20:35]

Fyrirgefðu, en hér eru tölur um atvinnuleysi í Finnlandi: (1 og 2) En það hefur víst verið undir 8.

Viltu hætta að fara með fleipur.

Ef einhver ætti að trúa þessu með atvinnuleysið, með engar heimildir, afhverju ætti einhver að trúa þér með þessa skuldastöðu?

[Hlynur Davíð Stefánsson (IP-tala skráð) 26.4.2009 kl. 20:40]

og ofaná þetta hefur atvinnuleysi í ESB í heild sinni farið niður frá 8,9% niður í 6,7% frá 2005 og í einungis 3 löndum (af 27) hefur atvinnuleysi aukist, en í ÖLLUM tilfellum MINNA en 1%

Í 24 / 27 löndum hefur dregið úr atvinnuleysi um mörg prósent, t.d. í Póllandi (18%->7,7%) og uppáhalds landinu þínu, Finnlandi (8,5% -> 6,3%).

[Kallinn (IP-tala skráð) 26.4.2009 kl. 20:58]

Hvor ykkar er að segja ósatt?

[Hlynur Davíð Stefánsson (IP-tala skráð) 26.4.2009 kl. 21:08]

Ég er í það minnsta með heimildir fyrir mínum tölum.  Sjá Þetta, Þetta og Þetta

[Guðbergur Egill Eyjólfsson, 26.4.2009 kl. 21:52]

Sælir strákar

þetta er nú í frásagnar stíl hjá mér en það er staðreynd að atvinnuleysi í Finnlandi hefur verið meira og minna allan þann tíma frá því þeir fóru inn í sambandið verið í kringum 8 %. Varðandi skuldastöðuna þá kom frétt að sem var annaðhvort á mbl eða visi þar sem forsætisráðherra Finnlands sagði að það stefndi allt í að skuldastaðan yriði orðin um 60% af þjóðarframleiðslunni þegar liði á árið. En það allra mikilvægasta í því sem ég skrifaði er að sjálfsögðu að sjálfsákvörðunarrétturinn verður tekin að svo miklu leiti frá okkur td með opnun markaða.

Kveðja Guðbergur

[Hlynur Davíð Stefánsson (IP-tala skráð) 27.4.2009 kl. 12:59]

Ef þú skoðar þennan link aftur og skrollar aðeins niður sérðu að atvinnuleysið byrjaði að stíga árið 1990 áður en Finnar voru í ESB. Ef þú skoðar þennan link sérðu að þeir sendu inn umsókn til ESB 1992.

Atvinnuleysi hefur síðan farið stig-minnkandi allargötur frá 1994!

Hvað þýðir þetta? Geturu túlkað þetta? Ef ekki skal ég gera það fyrir þig.

Þetta þýðir það að ESB hefur hjálpað Finnum úr atvinnuleysis vandamálum sínum sem hófust áður en þeir sóttu um aðild, tala nú ekki um löngu áður en þeir urðu meðlimir.

Vissulega gætum við misst þetta og hitt, ESB er ekki algott. Þetta er ekkert töfrasamband. En tækifæri felast líka í opnum mörkuðum.

Aftur ferð þú með fleipur varðandi Finland. Hér er skuldastaða þeirra miðað við þjóðarframleiðslu: (linkur (rauðu punktarnir á myndinni fyrir neðan))En hún hefur verið í kringum 40% síðustu 10 árin. Í raun nálgast hún 30 prósentin.

Svo er mikill munur á því að spá einhverju um skuldir miðað við þjóðarframleiðslu og því að vita svo hver hún er í raun og veru. Þýðir það að einhver forsætisráðherra spái einhverju að það bara verði svoleiðis, alltaf?

[Guðbergur Egill Eyjólfsson, 27.4.2009 kl. 18:58]

Sæll Hlynur

þetta var hinn ágætasti linkur sem þú sendir mér varðandi atvinnuleysi í Finnlandi. Mér skilst á þér að þú sért hlynntur aðild Íslands í ESB. Þá finnst mér skrítið að þú berir fyrir þig sem rök atvinnuástand í Finnlandi. Þrátt fyrir að ég hafi ekki farið með alveg nákvæmar tölur þá sýndi þetta súlurit alls ekki glæsilega mynd af landi sem segist vera komið upp úr kreppu og þótt það sé inn í ESB þá er það á hraðri leið inn í aðra kreppu. Varðandi skuldastöðu þeirra þá held ég að við gerum ráð fyrir því að forsetisráðherra þeirra sé nokkuð meðvitaður um þróun skuldastöðu þjóðarbúsins.

[Hjörleifur Guttormsson, 27.4.2009 kl. 19:21]

Góðir bloggarar. Fáein atriði um stöðu atvinnuleysis í ESB.

Atvinnuleysistig hefur verið hátt innan Evrópusambandsins sögulega séð, þó misjafnt eftir löndum. Um skeið tókst að ná því niður í 6-7% að meðaltali en síðustu tvö árin hefur það vaxið til muna og er nú að meðaltali 8% í aðildarríkjunum. Í Finnlandi var skráð atvinnuleysi 6,8% í febrúar 2009 og hafði vaxið um 0,5% á einu ári. Atvinnuleusi ungs fólks var á sama tíma 17% og hafði aukist um 1,1% á einu ári.

Verst er ástandið á Spáni með 15.5% atvinnuleysi (mars 2009), í Lettlandi og Litáen um og yfir 14% og á Írlandi 10%. Í Þýskalandi er atvinnuleysi nú 8,6%, tvöfalt meira í landinu austanverðu en í vesturhlutanum.
Alvarlegast er atvinnuleysið hjá ungu fólki á aldrinum 15–24 ára og nemur nú að meðaltali 17,5% á öllu ESB-svæðinu. Verst er ástandið hjá þessum aldurshópi á Spáni um 32%, í Svíþjóð 24% og í Ungverjalandi 22% svo dæmi séu nefnd.
Víða á landsbyggð innan ESB er atvinnuleysi langt yfir landsmeðaltali, og almennt er staða landsbyggðar og jaðarsvæða veik og hömlur lagðar á stuðningsaðgerðir.