Hvers vegna að borga?

Hvers vegna að borga? Það er vert að velta þessari spurningu fyrir sér. Ef að það leiðir ekki til neinnar farsællar niðurstöðu fyrir almenning þá hvers vegna að borga.

En ef niðurstaðan er þessi að hætta að borga þá erum við að segja að þessi þjóðfélagsskipan sem við búum við sé gjaldþrota. Ekki bara efnahagslega heldur einnig hugmyndafræðilega.

Er það kanski tilfellið? Eitt er allavega víst að ef við höldum áfram á sömu braut og þá á ég við hvað lífsstíl og framkomu okkar gagnvart umhverfinu þá endar ekki með öðru en sú þjóðfélagsskipan sem við búum við siglir í strand hvort sem við hættum að borga eða ekki. Þetta gerist ekki á morgun en það bendir markt til þess að það sé ekki svo langt í það.

Það er góð grein í síðasta Bændablaði, skrifuð af tveimur norðmönnum og þar tala þeir um að það sé tvennskonar kreppa í heiminum. Efnahagsleg og umhverfisleg og hættan núna er að flest þau meðöl sem við kunnum til þess að bjarga okkur upp úr efnahagslegu kreppunni leiða til dýpkunar á umhverfiskreppunni sem mun á endanum leiða til allsherjar umhverfis-efnahags og menningarlegrar kreppu sem verður eitthvað sem við getum vart ímyndað okkur. Þessar lausnir hljóma hér á landi. Það bergmálar álver, álver.

En hvað um það ég held að það sé í raun rétt að okkar þjóðfélagsskipan sé í raun gjaldþrota og þá er bara spurning verða það einhverjir þjóðfélagshópar sem gera uppreisn eða getum við sammælst um að gera nauðsynlegar breytingar sameiginlega.

Talandi um að hætta að borga það hefur engum dottið í hug að margir bændur eru orðnir það skuldugir að þeim gæti dottið í hug að hætta að borga og einnig að framleiða mat.

Margir íhuga greiðsluverkfall

Athugasemdir

[vala (IP-tala skráð) 3.5.2009 kl. 11:08]

"En ef niðurstaðan er þessi að hætta að borga þá erum við að segja að þessi þjóðfélagsskipan sem við búum við sé gjaldþrota. Ekki bara efnahagslega heldur einnig hugmyndafræðilega."

Já, ÞESSI efnahagslega hugmyndafræði er vissulega gjaldþrota. Er að ganga sér til viðar, það er með öllu ljóst. Það þarf að hugsa þetta allt uppá nýtt; frá öðru sjónarhorni. 

Já bændur, hættið að borga og hættið að framleiða svona mikinn mat svo að fleiri komist að. Minni umsvif svo fleiri græði meiri gæði. 

[Héðinn Björnsson, 4.5.2009 kl. 11:51]

Ég vona að við finnum samningarleið út úr þessu ástandi. Flokkur sem kennir sig við friðarstefnu getur ekki stutt ríkisstjórn sem etur landi sínu út í ófrið. Ég held að leið talsmanns neytenda þar sem málið er sett í gerðardóm sé besta leiðin til að fá sátt í málið og því besti möguleikinn sem við eigum á að halda samfélaginu okkar saman.